1. »Stawaj mi horje, holičo,
stawaj mi horje, holičo, hodeho,
chěža je połna Hodźenjow.«

2. »To mi nic njejsu Hodźenjo,
to mi nic njejsu Hodźenjo, hodeho,
to su mi hólcy Łazowscy.

3. Woni su přišli po mój wěnc,
woni su přišli po mój wě-hěde-wěnc
po mój mi wěnašk rućany.«

4. Sadźili su ju za blido,
sadźili su ju za blido, hodeho!
Karan jej wina stajili.

5. »Pij, rjana Hanka, winko pij,
pij, rjana Hanka, winko pij, hidehij,
to winko rjane čerwjene.

6. Hdy by ći luby swěrny był,
hdy by ći luby swěrny by-hyde-był
da by wón přišoł sam k tebi.«

7. »Hdy by ja była domjaca,
hdy by ja była domjaca, hadeha,
da by wón přišoł sam ke mni.

8. Hdyž pak sym chuda słužomna,
hdyž pak sym chuda słužomna, hadeha,
da sćele powěsć z pósłami.«