1. ||: Šoł je knjez hólčik z piwa dom :||
||: spěwajo, juskajo. :||

2. ||: Myslička jemu pójeda, :||
||: zo lubka domach njej’. :||

3. ||: Zo wona wěsći na přazy :||
||: po’ třećoh susoda. :||

4. ||: Šoł je knjez hólčik přez dwór dom, :||
||: přez wókno pohlada. :||

5. ||: Ničo tam wjacy njewidźi, :||
||: štož blido zančite :||

6. ||: A wobsynjene z hólcami, :||
||: wosrjedźa lubčička. :||

7. ||: Šoł je knjez hólčik do chěže, :||
||: wotrohi šćerčachu. :||

8. ||: Šoł je knjez hólčik do jstwy nutř, :||
||: wšitko tam zeržeše. :||

9. ||: Wućahnył hólčik z nóžnow mječ, :||
||: ćisnył jón na blido. :||

10. ||: »Jow maće, hólcy, prawizny :||
||: wot wašich holečow. :||

11. ||: Swoje wy hańbi postajiće, :||
||: cuze pak lubujeće. :||

12. ||: Štóž swoju hańbi postaji, :||
||: cuze pak lubuje, :||

13. ||: Tón njeby lěpšoh hódni był, :||
||: zo bych mu hłójčku ćał.« :||

14. ||: Skočiła holčka wot blida, :||
||: panyła mu wokoł’ šije. :||

15. ||: »Što sym ja tola činiła, :||
||: z druhimi žortowała.« :||

16. ||: »Po žortach móhło so nětk stać, :||
||: po žortach po mojich.« :||