Jank pod hajkom woraše

2. »Hanka, wjedź mi runjewon,
zo mój brózdni njezmyli,
holadra, faladra,
zo mój brózdni njezmyli.«

3. »Kak chcu wjesći runjewon,
hdyž maš štyri šmotawych,
holadra, faladra,
hdyž maš štyri šmotawych.

4. Prěnjej dwaj staj šmotawej,
druhej dwaj staj klešiwej,
holadra, faladra,
druhej dwaj staj klešiwej.«

5. Jank so na to rozhněwa.
Ćisny wótku do konja,
holadra, faladra,
ćisny wótku do konja.

6. Njetrjechi ju do konja,
trjechi Hance do suknje,
holadra, faladra,
trjechi Hance do suknje.

7. Hanka ta so rozhněwa,
ćisny křud a wotežku,
holadra, faladra,
ćisny křud a wotežku.

8. Běžała je wot Janka,
naběžała korčmičku,
holadra, faladra,
naběžała korčmičku.

9. Zašła je do korčmički,
přeco runje do jstwy nutř,
holadra, faladra,
přeco runje do jstwy nutř.

10. Tři tam blida hrajachu,
Hanku sobu wabjachu,
holadra, faladra,
Hanku sobu wabjachu.

11. Prěni króć Hanka zehrała,
blido zemjankow dobyła,
holadra, faladra,
blido zemjankow dobyła.

12. Druhi króć Hanka zehrała,
blido rajtarjow dobyła,
holadra, faladra,
blido rajtarjow dobyła.

13. Třeći króć Hanka zehrała,
pólskoh krala dobyła,
holadra, faladra,
pólskoh krala dobyła.

14. Korčmarka so rozhněwa,
ćisny kluče wo blida,
holadra, faladra,
ćisny kluče wo blida.

15. »Nětk budź ty ta korčmarka,
ja chcu być ta nošerka!
Holadra, faladra,
Ja chcu być ta nošerka!«