Serbske ludowe spiwy

Za čěskimi horami

2. W njej so myła holička
rjana běła čerwjena,
ho hej,
rjana běła čerwjena.

3. Prjedy hač so wumyła,
přišłe zrudne powěsće,
ho hej,
zo jej’ luby njebohi.

4. Luboh k rowu wjezechu,
wjele ludźi za nim du,
ho hej,
wjele ludźi za nim du.

5. Wšitcy jara płakachu,
jeho lubka najbóle,
ho hej,
jeho lubka najbóle.

6. Mjelč a njepłač, holičo,
wšak je w swěće hólcow dosć,
ho hej,
wšak je w swěće hólcow dosć.

7. W swěće drje je hólcow dosć,
žadyn tola tajki njej’,
ho hej,
kaž mój luby njebohi.

8. Jednu škličku mějachmoj,
wobaj z njeje jědźachmoj,
ho hej,
wobaj z njeje jědźachmoj.

9. Jednu łžičku mějachmoj,
z teje po rjadu jědźachmoj,
ho hej,
z teje po rjadu jědźachmoj.

10. Jedyn pjeršćeń mějachmoj,
w tom po rjadu chodźachmoj,
ho hej,
w tom po rjadu chodźachmoj.

11. Jedne jabłučko mějachmoj,
z tym po rjadu kulachmoj,
ho hej,
z tym po rjadu kulachmoj.