1. »Ja mam tam lubčičku za wodu,
||: njemóžu, njemóžu přez wodu. :||

2. Hdy by ja tajkeho konika měł,
||: kotryž by morjo mi přepłować móhł. :||

3. Tajkeho konika derje mam,
||: žaneje huzdźički k njemu nimam. :||

4. Žaneje huzdźički k njemu nimam,
||: žaneje huzdźički štangojteje. :||

5. Hdy by to wědźała holička,
||: moja mi lubčička najlubša.« :||

6. Da by mi huzdźičku kupiła,
||: na póstach Drježdźanskich pósłała.« :||

7. Kupiła holička huzdźičku,
||: pósłała na póstach Drježdźanskich. :||

8. Dała je přez morjo ławki kłasć,
||: wot spódka murjowane, wot wjercha mol’wane. :||

9. Hólčik tón přez morjo płowaše,
||: holčo jom napřećiwo běžeše. :||

10. Hdźe je so wzała ta stara baba,
||: tolej mi žadławe šerjenje? :||

11. Wšitke te ławki je spowalała,
||: lubeho we morju zatepiła. :||