Serbske ludowe spiwy

Wulka je zyma nas nadpadnyła

2. Hdźe maće Wuherskoh młodoh pana,
zo by wón Turce napřećiwo stał?

3. Młody pan so na wójnu hotowaše,
swoju wón młodu pań žohnowaše.

4. »Bóh žohnuj tebje, ty młoda pani,
hač ja zas z wójny dom njepřićahnu.«

5. Do poł su puća tam njepřijěli,
chcyše so młodemu panej pić.

6. Najał sej Turka přec staru žonu,
zo by jom z jědom zawdała.

7. »Lubosće, lubosće, stara žona,
daj so mi twojeje wody napić.«

8. Tak chětře, hač so tej’ wody napi,
zmolom wón jara ćežce schorje.

9. »Lubosć njej’, lubosć njej’, stara žona,
ty sy mi z jědom zawdała.

10. By mje mój Bóh sam tak lubo měł,
zo by wón młodej pani k wědźenju dał.«

11. Hdyž bě tam přišło sobotu wječor,
młoda pań w knižkach lazowaše.

12. Młoda pań w knižkach lazowaše,
swoje te dźěćatka nadowaše.

13. »Poskajće, hladajće, lube dźěći,
kak so w tom Božim raju rjenje zwoni.

14. Kak so w tom Božim raju rjenje zwoni,
to so tom našom nanej kemši zwoni.

15. Chcemy nětk hići do zahrody,
tam chcemy spěwać, so modlići.

16. Tam chcemy spěwać, so modlići,
našeho Boha njezabywać.«

17. Studnička je z krejku poběžana,
jědlenka je k zemi pochilena.