1. »Dźi a chwataj, holečo,
pod hórku mje dočakaj,
de hej,
pod hórku mje dočakaj.«

2. Hejzo skoro njepřińdu,
da móžeš kusk dale hić,
de hej,
da móžeš kusk dale hić.«

3. Zeger dźesać biješe,
luby nihdźe njepřińdźe,
de hej,
luby nihdźe njepřińdźe.

4. Holčo jara płakaše,
běłej ručcy łamaše,
de hej,
běłej ručcy łamaše.

5. »Mjelč a njepłač, holečo,
to sym z tobu žortował,
de hej,
to sym z tobu žortował.«

6. »Wo tajke žorty njerodźu,
tolej budźe moja smjerć,
de hej,
tolej budźe moja smjerć.

7. Ty sy mje přinjesł wo moju česć,
wo mój wěnčik zeleny,
de hej,
wo mój pjeršćeń slěborny.

8. Wo moje ličko čerwjene,
wo moje čołko błyšćate,
de hej,
wo moje čołko błyšćate.«