1. ||: Steji ta woda lěto tam, :||
hdźež hólčik k holčcy dźe,
de he,
hdźež hólčik k holčcy dźe.

2. ||: Prjedy hač wón k njej dóńdźeše, :||
sej ličko móješe,
de he,
sej ličko móješe.

3. ||: »Dobry ći wječor, holečo! :||
Kak hišće so ći dźe,
de he,
kak hišće so ći dźe?«

4. ||: »Mi wšak so dźe tak wšelajko, :||
hejz’ skoržić dyrbjała,
de ha,
hejz’ skoržić dyrbjała.«

5. ||: »Njewěr ty, lube holečo, :||
štož druzy rěča ći,
de hi,
štož druzy rěča ći.«

6. ||: »Rjenje drje z tobu rěčachu, :||
z falšom pak měnjachu,
de hu,
z falšom pak měnjachu.«

7. ||: »Hdy by ty druhim slubiła, :||
by luboh zhubiła,
de ha,
by luboh zhubiła.«

8. ||: »Dokelž pak njejsy slubiła, :||
joh njejsy zhubiła,
de ha,
ale joh krydnyła.«