1. »Rjeńše holčo, njezrudź so,
jow maš pjeršćeń, zabydź mje,
holadra, faladra,
jow maš pjeršćeń, zabydź mje.«

2. »Pjeršćeń chcu ja derje wzać,
tebje pak njezabudu,
holadra, faladra,
tebje pak njezabudu.«

3. »Što chceš, holčka, ze slěpcom,
z tajkim chudym pacholom,
holadra, faladra,
z tajkim chudym pacholom.«

4. »Njech sy chudy, kaž ty chceš,
twoja dyrbu tola być,
holadra, faladra,
twoja dyrbu tola być.«

5. »Hdyž ty dyrbiš moja być,
dyrbiš zo mnu přez morjo,
holadra, faladra,
dyrbiš zo mnu přez morjo,

6. Přez to morjo hłuboke,
přez to morjo šěroke,
holadra, faladra,
přez to morjo šěroke.

7. Zwohladuj so, holičo,
štó tam ćěri za namaj,
holadra, faladra,
štó tam ćěri za namaj.«

8. »Wosomdźesat bubnarjow,
dźewjećdźesat rajtarjow,
holadra, faladra,
dźewjećdźesat rajtarjow.«

9. »Z čim ’dźemoj so wobarać,
njechamoj so zrubać dać,
holadra, faladra,
njechamoj so zrubać dać?«

10. »Wobaraj so, kaž ty chceš,
wšak sy ty sam mudry dosć,
holadra, faladra,
wšak sy ty sam mudry dosć.

11. Wšudźom jara šikwany,
wšudźom jara wušikny,
holadra, faladra,
wšudźom jara wušikny.«