1. ||: Što ha sym tola ja činiła, :||
zo sym so młoduška woženiła!

2. ||: Prjedy sym chodźiła w lindyr sukni, :||
nětko šće nimam zhrěbnoh šórca.

3. ||: Prjedy sym chodźiła z bantom w črijach, :||
nětko mam lědy drjewjancy.

4. ||: Prjedy sym jědła w mlócy całty, :||
nětko mam lědy poseleńku.

5. ||: Prjedy sym chodźiła kaž ta truna, :||
nětko d’rju chodźić kaž ta tuna.

6. ||: Prjedy sym skakała pře wšě płoty, :||
nětko du lědy přez te prohi.

7. ||: Prjedy sym chodźiła huj, huj, huj, :||
nětko d’rju chodźić: puj, puj, puj.