Serbske ludowe spiwy

Chodźił je Bóh wjeršny

Glědaj: Spiw wopśimjejo antisemitiske motiwy. Wón wózjawijo se how wuraznje ako dokument zagubu pśinjasecego historiskego antijudaizma.

2. Nadešoł, nadešoł
jednu mału chěžku,
we tej małej chěžce
tajku chudu wudowu.

3. »Hospoduj nas, hospoduj,
ty chuda wudowa.«
»Hospodować chcu was,
žanoh chlěba nimam.«

4. »Njestaraj so wo chlěb,
toho chcu nakupić,
toho chcu nakupić
za třiceći pjenjez.«

5. »Za třiceći pjenjez
to nic njeje wjele,
to nic njeje wjele,
tež nic njeje mało.«

6. »Kotři sće wy mjez wami,
kiž nam chlěba přinjesće,
kiž nam chlěba přinjesće
za třiceći pjenjez?«

7. Judaš běše spěšny:
»Mištrje, ja chcu po njón hić.«
Judaš dźěše po chlěb
po židowskej hasy.

8. Židźa, ći tam hrajachu
pod jednej piwnej kadźiju,
Judaša sobu wabjachu:
»Pój, sadź z nami, Judašo!«

9. »Sadźu abo njesadźu,
tola wšitko přěhraju.«
Prěni króć Judaš sadźi,
zmolom wšitko doby.

10. Druhi króć Judaš sadźi,
zmolom wšitko doby.
Třeći króć Judaš sadźi,
zmolom wšitko přěhra.

11. »Přečo sy pak tola,
Judašo, tak zrudny?
Předaj swojoh mištra
za třiceći pjenjez.

12. Za třiceći pjenjez,
to nic njeje droho,
to nic njeje droho,
tež nic njeje tunje.«

13. »Kotři sće wy mjez wami,
kiž sće mje předali?
Předali sće mje, předali,
droho sće mje njedali.«

14. Swjaty Jan tón dźeše:
»Knježe mištrje, sym da ja?«
»Jano, swjaty Jano,
ty drje tola njejsy.«

15. Swjaty Pětr dźeše:
»Knježe mištrje, sym da ja?«
»Pětrje, swjaty Pětrje,
ty drje tola njejsy.«

16. Falšny Judaš dźeše:
»Knježe mištrje, sym da ja?«
»Judašo, falšny Judašo,
to drje sam najlěpje wěš.«

17. Judaš běše spěšny,
běžeše so wobwěsnyć.
Wón so jara kaješe
a so jara rudźeše.

18. Bóh tón za nim wołaše:
»Wróć so zaso, Judašo!
Hrěchi su ći wodate,
štrafa je ći spušćena.«

19. Judaš přeco běžeše,
naběža sej jědlenku:
»Jědlenka to mjechke drjewo,
ta mje nje’dźe wobdźeržeć.«

20. Judaš přeco běžeše,
naběža sej wosycu:
»Wosyca to twjerde drjewo,
ta budźe mje wobdźeržeć.«

21. Wobwěsnył so falšny Judaš
na wosycu, twjerde drjewo.
Wosyca rži a třepoce,
k sudnom dnju so hotuje.