1. »We mojej nanowej zahrodźi
tam steji zeleny štom,
na tym mi štomi jabłučka
rjane běłe čerwjene.

2. Wušćip mi, holčka, jabłučko
rjane běłe, čerwjene!«
»Kak chcu ći jene wušćipnyć,
hdyž chwile mało mam.«

3. »Ty sebi daš tak ćežko być,
jabłučko wušćipnyć?
Ja njejsym sej dał ćežko być,
hdyž sym će lubował.«

4. »Och ja sej njedam ćežko być,
kohož ja lubo mam,
na tebje wjacy njehladam,
ja dawno druhoh mam.«

5. Jabłučka su tak wšelake,
kaž ludźo na swěći,
na jenym boku čerwjene
na druhim zelene.