1. Šłej stej dwě rědnej tam pśi jazorje,
||: pśi tom mě jazorje pśi dłymokem. :||

2. Nikogo njejstej tam nadejšłoj,
||: ak tog’ jadnego pśewjednika. :||

3. »Pśewjednik, luby pśewjednik mój,
||: co ga ty wót luźi k mytu bjerjoš?« :||

4. »Wót starych bjeru ja slobro, złoto,
||: młode te źowća ja dermo wózym.« :||

5. Pósrjejź teje dłymi tam pśijěźeštej,
||: chopi pśewjednik źowća pšašaś: :||

6. »Co mě zwólijoš, ty rědne źowćo:
||: Do wódy skócyś abo mě se weześ?« :||

7. »Do wódy skócyś a górjej splěś.
||: Tak pśidu k mójej tej muterce. :||

8. Tam mógu chójźiś we wěnašku,
||: we tom mě wěnašku ruśanem.« :||