Serbske ludowe spiwy

Pasech ja kónjowu pśi puśiku

W originalnej zběrce njejsu noty k tekstoju pódane.

1. Pasech ja kónjowu pśi puśiku,
glědach ja pśecej k Prjawozoju.

2. Co se mě zezda pasecy?
Až mója lubka ku mnjo źo.

3. Chójźachmej gromaźe pó tom gajku,
źož spiwachu ptaški, stare a młodše.

4. Sednuchmej se dołoj a pósłuchachmej,
paźe mě rožyca na mój crjej.

5. Tak ak ta rožyca cerwjena jo,
taka jo teke ta mója lubka.

6. Gaž ja se wjacor spat lěgach,
cowało jo se mě tak słodše.

7. Až mója lubcycka pśi mnjo spi,
pśi mnjo a pśi mójom pšawem boce.

8. Wóna mě tak lubosne wopśimašo,
wšykne móje mysle wěźeś kśěšo.

9. Jeje ta rucka měkša jo
nježli ten zagłowk somotowy.

10. Cerwjena rožyca, zelena pjeprica,
to jo źe mója lubcycka.