1. »Kutšak pśěgaj konjowu,
woboju teju bruneju!«

2. Mały kusk stej wujěłoj.
»Kutšak wustań, poglědaj!

3. Kutšak wustań, poglědaj,
co to hyn se zeleni.

4. Jo to jana wolšyna,
abo lubki nowy grod?«

5. »To njej’ žedna wolšyna,
to jo lubki nowy grod.«

6. Mały kusk stej wujěłoj.
»Kutšak wustań, posłušaj!

7. Kutšak wustań, posłušaj,
co to hyn so zogoli.

8. Jo gólnych ptaškow spěwanje
abo lubki płakanje?«

9. Mały kusk stej wujěłoj,
potom stej tam pśijěłoj.

10. Pśiźo k nima stara maś:
»Witajta, gólca, woboj dwa!

11. Co stej noweg’ pśijadłoj?«
»Comej wašu Anku měś.«

12. »Wóna jo nam schórjeła,
potom jo nam wumrěła.

13. Rědnu ju tam gotuju,
běłu ju tam woblaku.«

14. Luby źěšo do komory,
Anka ta stej na borje.

15. We złóśanem kašćiku,
we ruśanem wěnašku.

16. Luby wjelgin płakašo,
běłej ruce łamašo.

17. »Nět ja zawdam dobru noc,
wěcej ja k wam njepójdu.«

18. »Njezawdawaj dobru noc,
mamy hyšće dwě drugej.«

19. »Co stej mě tej dwě drugej,
gaž ta mója Anka njej’.«