1. Pśed Rědniškojc nowym dworom,
||: tam stoj ta lipa zelona. :||

2. Spozy jo njeje rědne źowčo,
šyjo te šanty žyźane,
wijo te wěnki ruśane.

3. Swaki te jědu ku dwóru,
||: źowčo běžy w nowu komoru. :||

4. »Móterka, luba stara maś,
wobaraj swakam do dwóru,
až ja se tšošku pśigotuju.

5. Głowišćo se pśigłaźiju,
||: wěnašk na głowu stawiju. :||

6. K prědnem’ a slědnem’ se jen stawjam,
||: wěcej wo njom choźiś njesměju.« :||

7. Wjeźechu ju do jśpy nutś,
||: sajźachu ju za blido. :||

8. Slězy jo njeje wokeńco.
||: Wotcyni rědna wokeńco. :||

9. Wotternu běłu rožu cerwonu,
||: chyśi jim ju na blido. :||

10. »Tož maśo moju młodšu sotšu,
||: daś wóna wam te wěnki wijo. :||

11. Te reje z njeju rejujśo,
te kłuste kroše zbrjeńkujśo,
te cerwone złota zmjetujśo.«

12. Rědna ta Liza Dušcyc jo,
||: rědny ten Hanzo Starosćic. :||

13. A stej rědnej, nadobnej,
||: woboj stej na se spodobnej. :||