1. Wokoło grodu jo šćažcycka,
po njej tam choźe swaźbarje.

2. Ze šćabotu, zbrinkujicy,
za rědnym źěwčom glědujicy.

3. Syłojik, ten drobny ptašack
leśešo knězu nuzu skaržyt.

4. »Gnězdko su mě roztergali,
młode su mě zwuběrali.«

5. »Njejsom ja śi pjerjej gronił:
Njewij gnězdko pśi puśiku.

6. Wuwij gnězdko na jaworje,
na jaworje na gałuze.

7. Tam ty twyje młode wuwjeź.
Pśiwjeź je pytom spyd myje wokno.

8. Ja com sebje jadnog’ wubraś,
kyteryž buźo moc lěpjej spěwaś.

9. Staršy pśece lěpjej spěwa,
ten dej sedaś spyd myjim woknom.

10. Zajtša rano gyrjej wołaś
myju kněnju, myju celaź.«

* * *

11. Prjenju richtu na blido njasu,
njewjesta ta chopi pšašaś.

12. Njewjesta ta chopi pšašaś:
»Źo myj luby nawoženja?«

13. Drugu richtu na blido njasu,
njewjesta ta hyšće pšaša.

14. Njewjesta ta hyšće pšaša:
»Źo myj luby nawoženja?«

15. Tśeśu richtu na blido njasu,
njewjesta ta chopi płakaś.

16. Njewjesta ta chopi płakaś.
»Źo myj luby nawoženja?«

17. »Nawoženja spy gyli ganja,
spy gyli ganja, źiwinu gyni.

18. Źiwinu gyni, zwěrinu daji,
pśece k swaźbje pśigotujo.«