1. Swaśi te do jsy jjeźechu,
Na zel’nej górce zastachu. :,:

2. Pšašali su se tam, pšašali,
›Źo jo ten Rjedniškojc nowy dwór.‹ :,:

3. »’Cośo ten nowy dwór raźi wiźeś,
»’Comy jen deŕe wam pojeźeś,
»’Comy jen teke wam spokazaś.«

4. »Pśed tym mi Rjedniškojc nowym dwórom,
»Tam stoj ta lipa zelona.« :,:

5. »Spóz ńeje seźi to rjedne źówčo,
»Dwa jo tam wjenaška huwiła.« :,:

6. »Jaden buźo wóna gólcoju daś,
»Drugi buźo wóna sama mjeś.« :,:

7. »Sama jen mjeś a hyś a byś,
»K wjerowanju buźo we njom hyś,
»Wjerowana žona byś.«

8. Swaśi te ku dwóru jjeźechu,
Źówčo to bježy kómoru. :,:

9. ›Móterka, ty luba maś mója,
›Hobaraj swatam do dwóra.‹ :,:

10. »Kaga ja debu jim hobaraś,
»Gaž sy jim sama zlubjona.« :,:

11. »Bjełu sy rucku jim nawdała,
»Złoty sy ṕeršćeń jim zawdała.« :,:

12. Swaśi te ku dwóru pśijjeźechu,
Pśed nowym dwórom tam zastachu. :,:

13. »Maśeŕka, ’rota nam wotcynaj!«
Maś ta te ’rota jim wotcynašo,
Źówčo to swaśi pak witašo.

14. ›Witajśo ’šykne mje gromaźe,
›Jadno ten mój sam woseb́e. :,:

15. Swaśi te do jśpy pśijźechu,
’Šykne se za blido zesedachu. :,:

16. Źówčo to wotcyni hokeńcko,
Hutorže sebje rože dwje,
Da jeju gólcam na blido.

17. ›Tož maśo, gólcy, rože dwje,
›Teju wam dawam k sljedńemu,
›Wjecej wam dawaś ńebudu.‹

18. ›Njet deje druǵe wam źówča dawaś,
›Wy dejśo z nimi pak rejowaś.‹ :,:

* * *

19. ›Dobru noc, dobru noc, maś mója!
›Mjejśo źjek, až sćo mje skubłali.‹ :,:

20. ›Dobru noc, dobru noc, nan stary!
›Mjejśo źjek, až sćo mje zhoblekali.‹ :,:

21. ›Dobru noc, dobru noc, młodša sotša!
›Mjej ty źjek, až sy mje lubowała,
›Až sy mje wjenašk z cesću dała.‹

22. ›Dobru noc, dobru noc, młodšy bratš!
›Mjej ty źjek, až sy mje lubował.‹ :,:

23. ›Dobru noc, dobru noc, rjedne źówča!
›Mjejśo wy ’šykne dobru noc.‹ :,:

24. ›Wjecej mje wiźeś nebuźośo
›Ruśanem wjenku zelonem,
›Ale tom šleẃerju bjełonem.‹