Serbske ludowe spiwy

Spowědaj z pismow, spowědaj

W originalnej zběrce njejsu noty k tekstoju pódane.

1. Spowědaj z pismow, spowědaj,
wjele jo jaden?

2. Jaden jo ten wěrny Bog
na wusokem njebju.

3. Spowědaj z pismow, spowědaj,
wjele stej dwa?

4. Dwa stej z togo raja
Bóžego wugnanej,
jaden jo ten wěrny Bog
na wusokem njebju.

5. Spowědaj z pismow, spowědaj,
wjele su tśi?

6. Tśi su patriarchy,
dwa stej z togo raja
Bóžego wugnanej,
jaden jo ten wěrny Bog
na wusokem njebju.

7. Spowědaj z pismow, spowědaj,
wjele su styri?

8. Styri ewangelisty,
tśi su patriarchy,
dwa stej z togo raja
Bóžego wugnanej,
jaden jo ten wěrny Bog
na wusokem njebju.

9. Spowědaj z pismow, spowědaj,
wjele jo pěś?

10. Pěś su mudre kněžny,
styri ewangelisty,
tśi su patriarchy,
dwa stej z togo raja
Bóžego wugnanej,
jaden jo ten wěrny Bog
na wusokem njebju.

11. Spowědaj z pismow, spowědaj,
wjele jo šesć?

12. Šesć jo w Kana kružow
we tej wjažy, na tej swajźbje
w Kana Galilejskej,
pěś su mudre kněžny,
styri ewangelisty,
tśi su patriarchy,
dwa stej z togo raja
Bóžego wugnanej,
jaden jo ten wěrny Bog
na wusokem njebju.

13. Spowědaj z pismow, spowědaj,
wjele jo sedym?

14. Sedym Božych darow,
šesć [jo] w Kana kružow
we tej wjažy, na tej swajźbje
w Kana Galilejskej,
pěś su mudre kněžny,
styri ewangelisty,
tśi su patriarchy,
dwa stej z togo raja
Bóžego wugnanej,
jaden jo ten wěrny Bog
na wusokem njebju.

15. Spowědaj z pismow, spowědaj,
wjele jo wósym?

16. Wósym Bóžych miłosćow,
sedym Bóžych darow,
šesć jo w Kana kružow
we tej wjažy, na tej swajźbje
w Kana Galilejskej,
pěś su mudre kněžny,
styri ewangelisty,
tśi su patriarchy,
dwa stej z togo raja
Bóžego wugnanej,
jaden jo ten wěrny Bog
na wusokem njebju.

17. Spowědaj z pismow, spowědaj,
wjele jo źewjeś?

18. Źewjeś jo pór janźelow,
wósym Bóžych miłosćow,
sedym Bóžych darow,
šesć jo w Kana kružow
we tej wjažy, na tej swajźbje
w Kana Galilejskej,
pěś su mudre kněžny,
styri ewangelisty,
tśi su patriarchy,
dwa stej z togo raja
Bóžego wugnanej,
jaden jo ten wěrny Bog
na wusokem njebju.

19. Spowědaj z pismow, spowědaj,
wjele jo źaseś?

20. Źaseś Bóžych kaznjow,
źewjeś jo pór janźelow,
wósym Bóžych miłosćow,
sedym Bóžych darow,
šesć jo w Kana kružow
we tej wjažy, na tej swajźbje
w Kana Galilejskej,
pěś su mudre kněžny,
styri ewangelisty,
tśi su patriarchy,
dwa stej z togo raja
Bóžego wugnanej,
jaden jo ten wěrny Bog
na wusokem njebju.

21. Spowědaj z pismow, spowědaj,
wjele jo jadnasćo?

22. Jadnasćo jo gwězdow,
źaseś Bóžych kaznjow,
źewjeś jo pór janźelow,
wósym Bóžych miłosćow,
sedym Bóžych darow,
šesć jo w Kana kružow
we tej wjažy, na tej swajźbje
w Kana Galilejskej,
pěś su mudre kněžny,
styri ewangelisty,
tśi su patriarchy,
dwa stej z togo raja
Bóžego wugnanej,
jaden jo ten wěrny Bog
na wusokem njebju.

23. Spowědaj z pismow, spowědaj,
wjele jo dwanasćo?

24. Dwanasćo jo pósłow,
jadnasćo jo gwězdow,
źaseś Bóžych kaznjow,
źewjeś jo pór janźelow,
wósym Bóžych miłosćow,
sedym Bóžych darow,
šesć jich w Kana kružow,
we tej wjažy na tej swajźbje
w Kana Galilejskej,
pěś su mudre kněžny,
styri ewangelisty,
tśi su patriarchy,
dwa stej z togo raja
Bóžego wugnanej,
jaden jo ten wěrny Bog
na wusokem njebju.