Wón.

1. »Ha hdźe ha je mój ryzy kóń,
z kotrymž ja jězdźił sym?
Ha hdźe ha je to holečo,
kotrež sym lubo měł?

2. Ryzy sym konja zajězdźił,
holički njeskrydnył,
ryzy sym konja zajězdźił,
holički njeskrydnył.«

Wona.

3. »Ha hdźe ha je ta moja nóc,
kotruž sym njespała?
Ha hdźe ha je ta moja nóc,
kotruž sym njespała?

4. Jenu tu sym ja přešiła
na šantkach židźanych,
druhu tu sym je přewiła,
na wěncach rućanych.«