Na tutej stronje nastawa wobšěrna internetowa edicija historiskich zběrkow serbskich ludowych spěwow. Prěni, najwobšěrniši modul je publikacija Smolerja a Haupta z lětow 1841 (hornjoserbske pěsnje) a 1843 (delnjoserbske pěsnje). Wulki dźěl spěwow njeje dźensa hižo powšitkownje znaty. Hudźbnikam, spěwarjam, komponistam a dalšim zajimcam skići so tu na wjacore wašnje spěšny přistup k tutomu dźělej kulturneho herbstwa Łužicy. W srjedźišću stejitej při tym komfort a intuitiwnosć za wužiwarja. Njejedna so potajkim wo striktne wědomnostno-kritiske wudaće.