1. Bješe pak bješe knežnička,
Swojoh’ nana jeńčka džówčička. :,:

2. Ta swojoh’ nana prošeše,
Zo by jej ljetko khodžić dał
Po swojim nowym dwori.

3. ›Ljetko dre ’cu ći khodžić dać
›Po swojim nowym dwori,
›Ale ty sy časna, ženić so.‹

4. Wona pak džješe horje
Do swojej’ nowej’ komorki. :,:

5. Tam wona sedžo płakaše,
Swojej bjełej ručcy łamaše. :,:

6. Wódny muž tejž tam pšindže:
»Dže maće moju newestu?« :,:

7. Wona je swojej komorcy,
Tam wona sedžo płače,
Swojej bjełej ručcy łame.

8. »Pše-čo ty płačeš holečo,
»Ty moja luba newesta?« :,:

9. »›Ka’da ja płakać nedyrbju,
»›Dyž ’šitcy ludžo praja,
»›Zo sy ty wódnej’ žony syn‹«

10. »Nech woni pšeco praja,
»Tola ći hinak nebudže.« :,:

11. »Ja ’cu ći dać móst twarići
»Wot lutoh’ złota, sljebora.« :,:

12. »Ja ’cu će daći pšez njón wesć,
»Ze tsicyćimi wozami
»Ze štyrcyćimi konjami.«

13. Do pół tam mosta nepšindže,
Da so móst poča spadować. :,:

14. Stary nan z wóknom ’ladaše:
›Och ’ladaj, luba žona,
›Kak naju džówka płówa.‹

15. »»Nech wona pšeco płówa,
»»Tola ći hinak nebudže.«« :,:

16. Sydom tam ljetkow bješe,
Sydom tam synkow mjeješe. :,:

17. Na wosme ljetko džješe,
Z wosmym tym synkom khodžeše. :,:

18. A swojoh muža prošeše,
Zo by jej dał na swjet ke-mši hić. :,:

19. »Na swjet ’cu ći dać ke-mši hić,
»Ale požohnowanja nečakaj. :,:

20. Wona pak na swjet ke-mši dže,
Wu’lada swojoh’ bratsika
A swoju młódsju sotsičku.

21. Witaj k nam, sotra naša!
Šak sy ty tola pšišła
Tejž jow k nam na swjet ke-mši.

22. »›Ke-mši dre sym ja psišła,
»›Ale požohnowanja nesmju dočakać.‹« :,:

23. Čakaj, o luba sotra,
A pój ty z namaj k wobedu. :,:

24. Wona požohnowanja čakaše,
Wódny muž wokoł’ skakaše. :,:

25. We swojej módrej kholowcy,
A čerwenej tej štrympicy. :,:

26. Wona wotemšje džješe,
Wot sotsički so džjeleše,
Wódny muž z napšeća stupaše.

27. A džjećatko jej wurabny,
Pšed jeje wočomaj roztor’ny. :,:

28. Tym druhim ’łojčki zwotwija,
A na pućje je rozmeta,
Sam so na durje wojbesny.

29. ›Neje pak, neje tebi žel
›Twojich tych dróbnych džjećatkow?‹ :,:

30. »›Pšez žane neje mi tak žel,
»›Dyžli pšez najmłódse.‹« :,:

31. »›Kiž kupeĺčičcy sydaše,
»›Kiž kolebčičcy ljehaše,
»›Z čerwenym jab’učkom ’raješe.‹«