1. ||: Słužił je hólčik panikej, :||
na te mi šěsć a sydom lět.

2. ||: Słužił je hólčik sydom lět, :||
zasłužił ryzy konika.

3. ||: K temu mi konikej huzdźičku, :||
k huzdźičcy rjanu tu holičku.

4. ||: Na wosme lětko wón słužeše, :||
panik tón poča jom hramići.

5. ||: »Chceš-li mi hramići, paniko, :||
daj mi te pjenjezy, moju ’zdu.

6. ||: Kiž sym sej swěrnje ja zasłužił :||
za te mi šěsć a sydom lět.«

7. ||: »Wšak maš tam w konjemcu štyri brune, :||
wubjer sej konika, kajkehož chceš.«

8. ||: Hólčik tón konika sedowaše, :||
holička brěmješka zwjazowaše.

9. ||: Do lutych židźanych rubiškow :||
lute te čerwjene jabłóčka.

10. ||: Mały kusk dale tam přijědźeštaj, :||
holičo poča so zwohladować.

11. ||: »Hdźež so te hrody tak čerwjenja, :||
Tam sym ja mólička horje rostła.

12. ||: W zelenej tujawcy wotujana, :||
z čerwjenym banćikom powijana.«

13. ||: Na běł’maj ručkomaj wotnošena, :||
z čerwjenymaj hubičkomaj wokošana.«