1. Hólčik so rady ženješe,
kóždej wot branja žuješe,
kóžda so wot njoh ćehnješe.

2. Hólčik so rady chwaleše,
za kachlemi so waleše,
tobačka wón tam paleše.

3. Hólčik tón rady piješe,
dwanatu kanku liješe,
lubka jom košlu šiješe.

4. Hólčik tón rady hraješe,
husto labeta sadźeše
a z płaćenjom so daješe.

5. Hólčik chcył rady rejwać hić,
kupił je sej za pjenježk pić,
hišće so dźe wo reju bić.

6. Hólčik chcył lubku domoj wjezć,
to měješe za wulku česć,
zo ju smě do poł puća wjezć.

7. Hólčik tón rady łažeše,
wo kóžde durje kłapaše,
kóžda pak na njoh bjakaše.