Serbske ludowe spěwy

Zady našej’ pjecy kuntworki hraja

2. We tej našej łuži žaby rjechtaja,
žaby rjechtaja,
šěre a zelene kabaty maja.

3. Zady našej’ kólnje wroblki twarja,
wroblki twarja,
na słabe žito a na burow swarja.

4. We tej našej bróžni šěre myše pišća,
šěre myše pišća,
k nalěću žito na drohotu ćišća.

5. We tej našej pšeńcy pocpula so chowa,
pocpula so chowa.
»Kup mi lik, kup mi lik, Juračko!«, woła.

6. Na ponošku našim sedźa štyri kóčki,
sedźa štyri kóčki,
łušća tej myšinje slowkowe póčki.

7. W kukawach tych našich škórcy hwizdaja,
škórcy hwizdaja,
kołbasu zo wulku zajutřišim změja.

8. Přez tu našu mjezu Wochoženjo ćahnu,
Wochoženjo ćahnu,
wjezu na kermušu kołmazu rjanu.