1. Tón čas je so nam pominył,
tón zeger je dźesać wotklinkał,
hola, hola, holej.

2. Hólcaj so na konje sydaštaj,
wot holički dobru nóc bjerještaj,
hola, hola, holej.

3. »Dobru nóc, dobru nóc, holečo!
Mój dyrbimoj nět wot tebje preč,
hola, hola, holej.«

4. Hólcaj taj přez mosćik rajtowaštaj,
ha konikaj so jimaj spłóšeštaj,
hola, hola, holej.

5. Konik sej złama nóžčičku,
hólčik sej zwiny hłójičku,
hola, hola, holej.

6. Dał je so wjezć wón łazeńkej,
temu mi łazeńkej Kamjeńskemu,
hola, hola, holej.

7. »Hoj mje, mój łazeńko, na wšě rany,
zo mje ty tola zahojiš«,
hola, hola, holej.

8. »Njech će ja hoju, kaž sam chcu,
tola će nihdy njezahoju,
hola, hola, holej.

9. Doniž će njebudźa hotować,
do teho kitela běłeho,
hola, hola, holej.

10. Do teho kitela běłeho,
do teho wěnca rućaneho,«
Hola, hola, holej.

11. To staj byłoj študentaj dwaj,
kiž staj tu pěsničku wuzwoliłaj,
hola, hola, holej.