1. »Što sym ja noweho zhoniła,
mój luby chce wote mnje preč.

2. Ja pak jom tajkulej radu dam:
Wostań šće lětko při mni.«

3. »Što by mi pomhało, lětko wostać,
hdyž tola cyroby nimamoj.«

4. Z młodosću pjenjezy přečinimoj,
swojej pak tola njebudźemoj.

5. Přěhraju, přečinju pola, grunty,
sam na wójnu poćahnu.«

6. »Přěhraj a přečiń tak wjele hač chceš,
wšitko za tebje zapłaću.

7. Wšitko ja za tebje zapłaću,
wšitko na dróbne wusadźu.

8. Lute te tołste tolerje
ha někotre brancowske šěsnaki.«

9. Hólčik tón holičku njeposkał,
přeco rajtował wot njeje preč.

10. Cyłu je Mišonsku přejězdźił,
žanu rjeńšu pak njenamakał.

11. Zasy so k holičcy wróćił dom,
swojej lubcy prjedawšej.

12. Hólčik tón do dwora ćěrješe,
holčka na prozy steješe.

13. Holička na prozy steješe,
z jenym druhim so rozmołwješe.

14. »Pomhaj Bóh, pomhaj Bóh, holička,
je da hišće tón prjedawši čas?«

15. »Prjedawši čas hišće derje je,
ale druheho lubeho mam.

16. Wjele mi rjeńšeho, pěknišeho,
wjele rjeńšeho, šikwańšeho.«

17. »Njerěč tak, njerěč tak, holička,
aby ja ći joh zatsylju.«

18. »Njetsylej, njetsylej, luby mój,
wšako je to mój młódsi bratr.«

19. »Hdyž pak je to twój młódsi bratr,
da dźě je to mój bliži swak.«