1. Nět pak je přišoł tajki čas,
tajki jara zrudny čas,
wšo so k wójni hotuje.

2. Wšitka ta bróń nět hromadu dźe,
||: wšitke su konje sedłane. :||

3. Hdyž pak ja ćahnu na wójnu,
||: dobru kwartěru dyrbu měć. :||

4. Łožo dyrbi być nasłane,
||: ha zo ja ležo wotpočnu. :||

5. A pjero, tinta, papjera,
||: to wšo mi dyrbi pódla stać. :||

6. Zo budu pisać wulki list
||: ha swojej lubcy, holičcy. :||

7. Kak so d’ri wona zadźeržeć,
||: pře swoju česć a pře swój wěnc. :||

8. To pak drje wona sama wě,
||: to njetrjebał jej’ pisaći. :||

9. Trompetar budźe zatrubić,
||: hdyž budźe rano štyri bić. :||

10. Trompetar je tu pobył,
||: ja sym joh derje słyšał. :||

11. Trompetar piska prjedy mje,
||: holčo pak płače zady mje. :||

12. Kak hłupa sy ty była,
||: zo sy mi tola wěriła. :||

13. Ja sym ći prjedy prajił,
||: zo dźěn mój swojej njeb’dźemoj. :||

14. Nět pak je přišoł tajki čas,
||: wšo so k měru hotuje. :||

15. Wšitka ta bróń zas rózno dźe,
||: žadyn kóń njej’ wjac sedłany. :||

16. Trompetar budźe zatrubić,
||: hdyž budźe rano štyri bić. :||

17. Trompetar je tu pobył,
||: ja sym joh derje słyšał. :||

18. Trompetar piska zady mje,
||: holčo so směje prjedy mje. :||

19. Kak hłupa sy ty była,
||: zo sy mi tola wěriła. :||

20. Wšak sym ći prjedy prajił,
zo ja ći budu zasy přińć,
zo dźěn mój swojej budźemoj.