1. »Nětklej mi powěz, holečo,
što je mi w zymi zelene,
tak młódne zelene?«

2. »Jědla tam steji na hórcy,
ta je mi w zymi zelena,
tak młódna zelena.«

3. »Nětklej mi powěz, holečo,
što je mi w lěći bjez kwěća,
bjez kwěća běłeho?«

4. »Paproć tam steji pod hórku,
tón je mi w lěći bjez kwěća,
bjez kwěća běłeho.«

5. »Nětklej mi powěz, holečo,
što je mi dróše slěbora,
slěbora čisteho?«

6. »Twoja ta česć, mój rućany wěnc,
tej stej mi dróšej slěbora,
slěbora čisteho.«

7. »Nětklej mi powěz, holečo,
što je mi lóše pjerička,
pjerička husacoh?«

8. »Naju hromadupřińdźenje,
to je mi lóše pjerička,
pjerička husacoh.«

9. »Nětklej mi powěz, holečo,
što je mi ćeše kamjenja,
kamjenja młónskeho?«

10. »Naju to róznodźělenje,
to je mi ćeše kamjenja,
kamjenja młónskeho.«