Serbske ludowe spěwy

Haj wšitke burske holčata

1. Haj ’šitke burske holčata
Ranko do trawy du,
Tam na te bliše wumeńki,
Na łučku zelenu.

2. Haj džež ta młódna trawa je.
Džež žołty džećel kće;
Ha jena holca bosy je,
A rosa zymna je.

3. ›Haj, pše-čo, holčo, bosy sy,
›Dyž rosa zymna je?
›’Šak luboh’ z wulkoh’ kubła maš,
›Nech kupi črije ći.‹

4. ›Haj nech wón kupi črije ći,
›Te črije šnalate,
›Ha nech wón kupi štrympy ći,
›Te štrympy róžate.‹

5. »Haj, što mi pomha luboh’ mjeć,
»Dyž je wón na wójni;
»Haj dyž je luby na wójni;
»Na wójni daloko.«

6. Haj, luby nebje daloko,
’Šo derje słyšeše.
»›Haj, što ’ceš mjeći hermanka,
»›Ty moja lubčička:‹«

7. »Kup mi, mój luby, štož [orig.: stož] sam ’ceš,
»Tej’ borty nekupuj,
»Haj teje džje ja netrebam
»Tu mam po maćeri.«

8. Kupił je hólčik tujawku,
Tujawku pisanu,
Kupił je čerweny powijak
Na zelenej pódstawi.