Serbske ludowe spěwy

Hdyž pak tón hólčik

W originalnej zběrce njejsu noty k tekstej podate.

1. Hdyž pak tón hólčik
k holičce dźe,
połćik wón tučna
pod pažu ma,

2. Zo pak wón budźe
zamki mazać,
zo woni njeb’dźa
na njoh kwičeć,

3. Zo pak wón budźe
sćicha haj nutř,
sćicha haj nutř tam,
sćicha zas won.

4. Hdyž pak tón hólčik
k holičce dźe,
měrcu wón wowsa
pod pažu ma,

5. Zo pak jón budźe
konjam sypać
zo woni njeb’dźa
zahe rjehotać,

6. Zo pak wón budźe
sćicha haj nutř,
sćicha haj nutř tam,
sćicha zas won.

7. Hdyž pak tón hólčik
k holičce dźe,
masku wón pšeńcy
pod pažu ma,

8. Zo pak ju budźe
honakej sypać,
zo pak wón njeb’dźe
zahe spěwać,

9. Zo pak wón budźe
sćicha haj nutř,
sćicha haj nutř tam,
sćicha zas won.