1. Jězdźili hólcy su, hanjeli,
||: na zel’njej hórce su zastawali. :||

2. Zmolom su woni so prašeli,
||: »Hdźe je tón N. N.-ec nowy dwór?« :||

3. »N. N.-ec je nowy dwór derje znać,
||: před nim steji lipa mi zelena.« :||

4. Pod lipu sedźała holička,
||: rjana mi běła, čerwjena. :||

5. Swoje sej włóski tam rozčes’waše,
||: swoje sej włóski tam plećeše. :||

6. Hdyž wona wusłyša konjacy stup,
da wona zrozumi lubeho rěč,
přec wona běžeše k maćeri nutř.

7. Prěni króć staru mać prosyła:
||: »Maći, ty luba stara mać, :||

8. Wobaraj hólcam do dwora nutř,
||: doniž sej njezwobuju črije, štrympy.« :||

9. »Kak chcu jim wobarać do dwora nutř,
||: hdyž je twój luby sam mjez nimi?« :||

10. Druhi króć staru mać prosyła:
||: »Maći, ty luba stara mać, :||

11. Wobaraj hólcam do chěže nutř,
||: doniž sej njezwoblěkam pjelca, šórca.« :||

12. »Kak chcu jim wobarać do chěže nutř,
||: hdyž je twój luby sam mjez nimi?« :||

13. Třeći króć staru mać prosyła:
||: »Maći, ty luba stara mać, :||

14. Wobaraj hólcam do jstwy nutř,
||: doniž sej njestaju wěnca, borty.« :||

15. »Kak chcu jim wobarać do jstwy nutř,
||: hdyž je twój luby sam mjez nimi? :||

16. Hólcy přec do jstwy nutř stupachu,
holička žałostnje płakaše,
swojej běłej ručce łamaše.

17. »Mjelč wšak a njepłakaj, holičo!
||: to dźě je wšitko podarmo :||

18. Twoje to włóski plećenje,
||: twoje to črije, štrympy wobuwanje, :||

19. Twoje to šórc a pjelc woblěkanje,
twoje to wěnc, bortu stajenje.« :||