Serbske ludowe spěwy

Nětk mam će po prawym boku

W originalnej zběrce njejsu noty k tekstej podate.

1. »Nětk mam će po prawym boku,
nětk sy moja, holička!«
»Hišće njejsym, luby, twoja,
hišće dźowka maćerje.«

2. »Nětk mam će w nowej komorje,
nětk sy moja, holička!«
»Hišće njejsym, luby, twoja,
hišće dźowka maćerje.«

3. »Nětk mam će pod běłym pósłom,
nětk sy moja, holička!«
»Haj nětk sym ja, luby, twoja,
nic wjac dźowka maćerje.«