1. Hnał je wowčer wowcy won
na tu pastwu zelenu.

2. Na pastwu wón popřihnał,
słyšał dźěćo płakaći.

3. »Moje lube dźěćatko,
słyšu ja će, njewidźu.«

4. »Ja sym w jenej starej wjerbi
z hałozami přikryte.

5. Wućehń mje, mój wowčerjo,
njes mje do kwasneje chěže.

6. Moja mać ma dźensa kwas,
a je w’ wěncu zelenym.«

7. »Dobry wječor, kwasni hosćo.
Njewjesta je moja mać.

8. Dźewjeć je nas porodźiła,
dźesate ma pod wutrobi.«

9. »Dyrbju ja być twoja mać,
dyrbi čert přińć z wóknom nutř.

10. Zeleny wěnc mi dele storhnyć,
helsku reju zo mnu hić.«

11. Lědom běše wurěčała,
přińdźe čert, hlaj, z wóknom nutř.

12. Zeleny wěnc jej dele storhny,
z wóknom won z njej wuleća.