1. Wujjeł jo luby na wydu
:,: Z wysomnasćimi ģercami. :,:

2. Zwignuł se jaden z ćicha wjetśik,
:,: Luby se chopił zaljewaś. :,:

3. Bjełe te nogi ku dnu ’du,
:,: Žołte te ’łysy z weŕcha su. :,:

4. Jog’ hupytało źówcyšćo
:,: Na swyjim groźe husokim. :,:

5. Wiźeło jo tam wiźeło,
:,: Až luby se chopi zaljewaś. :,:

6. Myterka, luba myterka,
:,: Pśiwdajśo mje njent na pólo hyś. :,:

7. ›Ja śi tam samej hyś ńepśiwdaju,
:,: Ty maš hyšćer młodšu šotšu.‹ [:,:]

8. Šotša źen mje tam trjebna ńej,
Wyna jo welgin malučka,
Pśi tym pak welgin mudručka.

9. Bježało źywčo na pylko,
Pśišło jo k janej swjetłoj wyźe,
Zmakało dweju rybakowu.

10. Rybaka, myjej rybaka,
Ułojtej wej mje rybicu
Ze złoteju ceslinu.

11. Prjeni raz wynej stawištej,
Uchyśištej jejrybicu
Ze złoteju ceslinu.

12. Drugi raz wynej stawištej,
:,: Uchyśištej jej lubego, :,:

13. Tśeśi raz wynej stawištej
:,: Uchyśištej jej dwa noža. :,:

14. Jaden ten ’cu ja do wydy chyśiś,
:,: Drugi ten ’cu ja do se stawiś. :,:

15. Joli wyn uḿerał myjego dla,
:,: Ga ’cu ja humŕeś jogo dla. :,:

16. Zakopśo naju gromaźe
Pśi droze, pśi droze, pśi šćažce,
Źoź ’šykne luźe mimo ’du.

17. Tam buźo kuždy tak rjaknuś:
:,: Tož lažytej dwa młoźeńca, :,:

18. Kenž stej umŕełoj swyjego dla,
:,: Swyjich tych wjernych lubosćow dla. :,: