1. Jjezdźił jo rejtaŕ spó góli
Spó tej mje góli zelonej.

2. Nic wjecej ńejo najjezdźil,
Ak jadnu mału zagrodku.

3. Zagrodce dwje rjednej źówcy stej,
Hobej mje jadnak rjednej stej.

4. Jadna ta šanty šyjašo,
Druga ta wjenki wijašo.

5. Ta ak te šanty šyjašo,
Ta dej ta mója lubka byś.

6. Ta ak te wjenki wijašo,
Ta dej byś kumpanoju.

7. Pśimeł jo kónja za huzdu
A rjedne źówčo za ruku.

8. ›Njet se mje ńedejš z mjesta gnuś,
›Až buźoš zlubiś mója byś.‹

9. »Ten cas ’cu rejtaŕ twója byś,
»Gaž buźo zyḿe roža kwisć.«

10. »Zyḿe žedna roža ńekwišo,
»Tak teke twója nebudu.«

11. Rejtaŕ ten kónika hobrośi,
Rejtowašo k mólarjoju.

12. ›Mólaŕ, ty luby mólaŕ mój,
›Humóluj mje dwje rožy.‹

13. ›Jadnu mje móluj cerwjonu,
›Drugu mje móluj bjełonu,‹

14. Mólaŕ tej rožy mólowašo,
Źówčo to z dala gljedašo.

15. Rejtaŕ tej rožy płaśašo,
Źówčo to z dala płakašo.

16. ›Tož maš ty źówčo dwje rožy,
›Ak stej mje zyḿe hukwitłej.‹

17. »Tej ńejstej zyḿe hukwitłej,
»Tej jo śi mólaŕ mĺował.«

18. ›Daś jo mje mólaŕ mólował,
›Šak stej mje zyḿe hukwitłej.‹

19. »Coga som kuli ja cyniła,
»Až som ja z rejtarjom žortowała!«

20. »Dokul som z rejtarjom žortowała,
»Dejm njento pśez žorty jogo byś.«