1. Wšykne te luźe ležo spě,
ja deru jězdźiś po tych nocach,
po tych mi śmjatych wjacorach,
glědajucy tych bytšych gwězdow.

2. Kótaraž gwězda nejbytšej swěśi,
wobswěśijo wšym górkam, dołkam,
wobswěśijo wšym górkam, dołkam,
teke tej mójej lubej lubce.

3. Gaž zajtša rano źeń buwašo,
pańko tog’ knechta górjej woła:
»Stawaj mi górjej, ty jězeny knecht,
dawaj tym kónjam ten futer!«

4. »Ten futer, ako te kóni jěźe,
na mójej byłej ruce lažy.
Na jadnej ruce spi mója lubka,
na drugej wěnašk zelony.

5. Njerad by ja ju zawołał,
njerad by teke ja ju zbuźił.
To su te naju powěsći
wot mójog’ nanka a móterki.

6. Wšym kralam, wjeŕcham jo wotpojeźeła,
na rědneg’ gólca jo zwóliła,
na rědneg’ gólca jo zwóliła,
kenž dej ju nimjernje zažarbowaś.«