1. »Och, luba lubcycka,
pśewóź mě domoj!«
»Njebudu, njesměju,
móterka šćoka.«

2. Móterka za źowčom
ze šćěpku ganja,
gólcoju ze źowckom
gromadu njeda.

3. »Och, luba lubcycka,
co ga ty cyniš,
gaž ty tej móterce
wšo wupojedaš?«

4. »Pśec ga to njederu?
Wšak sy mě zlubił,
až coš mě zebraś.
Wěrno njebuźo!«

5. »Wěrnje a zwěru som
ja śi to zlubił:
To jo tak wěrno, ak
na njebju słyńco.

6. Pśec ga ty wote mnjo
tak groznje mysliš?
Ja som śi podwólił
cełu wutšobu.«

7. »Och, luba móterka,
pśec ga tak šćokaš?
Ja som to źowcyšćo
sebje wuglědał.«

8. »Maš-li ty pjenjeze,
aby wupłaśił?«
»Styri mam pjenježki,
to jo mój dobytk.«