1. Srjeź Byrkow stoj lipa
tak wjelgin zelena,
jědewoj,
tak wjelgin zelena.

2. Spyd njeje pachola
tak wjelgin zrubana,
jědewoj,
tak wjelgin zrubana.

3. Źo zgoniło źěwcyšćo,
zběrało zelišća,
jědewoj,
zběrało zelišća.

4. »Njezběraj zelišća,
šyj śańku košulku,
jědewoj,
šyj śańku košulku.«

5. Młodeg’ z dwyru njasechu,
wjele luźi za nim źo,
jědewoj,
wjele luźi za nim źo.

6. Nejpjerwjej jeg’ lubka
mjazy dwěma drugima,
jědewoj,
mjazy dwěma drugima.

7. Źowcyšćo płakašo,
běłej ručcy łamašo,
jědewoj,
běłej ručcy łamašo.

8. »Njepłac ty wo tego,
wšak maš tud młodego,
jědewoj,
wšak maš tud młodego.«

9. »Co su mě młodosći,
gaž njejsu lubosći,
jědewoj,
gaž njejsu lubosći.

10. Jo wyn wumrěł mojog’ dla,
cu ja wumrěś jogo dla,
jědewoj,
cu ja wumrěś jogo dla.

11. Tož mam ja dwa noža,
ak mě wyn skupował,
jědewoj,
ak mě wyn skupował.«

12. Jaden do se stajiła,
drugi za nim chyśiła,
jědewoj,
drugi za nim chyśiła.

13. »Zakopśo wy naju
spyd lipu zeleneju,
jědewoj,
spyd lipu zeleneju.

14. Saźćo nad nama dwa pšuta,
dwa pšuta winowoj,
jědewoj,
dwa pšuta winowoj.«

15. Pšuta tej rosćaštej,
guste grańki mějaštej,
jědewoj,
guste grańki mějaštej.

16. Gromadu se spleśaštej,
zwěru lubo mějaštej,
jědewoj,
zwěru lubo mějaštej.