1. Źještej dwje rjednej po tšawku :,:
A na tu łucku zelonu.

2. Jadna ta bješo bógata, :,:
Druga ta bješo chudobna.

3. Chudobna košulu kasašo, :,:
Bógata pak jej tak źašo:

4. ›Pśec’ga ty kasaš košulu, :,:
›Gaž ja suknicku ńekašu?‹

5. »Ty maš tog’ nana bógateg’, :,:
»Ja njamam niźi nikogo.«

6. »Zederjoš ty tu zelonu, :,:
»Twój nan śi kupi cerjonu.«

7. ›Njamaš ty niźi nikogo, :,:
›Ga maš ty rjedneg’ lubego.‹

8. Bógata welgin płakašo, :,:
Chudobna pak jej tak źašo:

9. »Pśec’ga ty płacoš, bógata, :,:
»Gaž ja chudobna ńepłaku?«

10. ›Kaga ja płakaś ńederu, :,:
›Gaž mamej jadnog’ lubego.‹

11. ›Daj mje ty twójeg’ lubego, :,:
›Ja ’cu śi mójeg’ bratša daś.‹

12. »Z twójim ja bratšom ńeroźim, :,:
»A ten jo šelma brojaŕski.«

13. A jo tam gólcyk kóńe pasł, :,:
Šykno za nima wotsłuchał.

14. »›Bóg daj mje do rozuma njetk, :,:
»›Kaku ja seb́e wozḿeju.‹«

15. »›Wozḿeju seb́e bógatu, :,:
»›Bógatu, gniwnu, ńeźjełaŕnu.‹«

16. »›Wóna mje buźo prjedchytaś, :,:
»›Až som jej ’šykno pśecynił.‹«

17. »›Wozḿeju seb́e chudobnu :,:
»›Chudobnu, pilnu, źjełaŕnu.‹«

18. »›Ta buźo se mje spódobaś, :,:
»›Spó mójom dwóŕe choźacy.‹«

19. »›Buźomej pilńe žjełaśi, :,:
»›Bóg nama ’šykno hobraźi.‹«