Serbske ludowe spěwy

Rědne źowćo, groń źe mě

W originalnej zběrce njejsu noty k tekstej podate.

1. »Rědne źowćo, groń źe mě,
wóc ga ty tak tužna sy.

2. Ty maš jadnog’ na drugem boce,
kenž tebje nejlubjej ma.«

3. »Žednog’ drugeg’ njamam ja,
ale tebje njok ja měś.

4. Źi ty dalej a buź rajtaŕ,
až śi wěcej njewiźim.«

5. »Debu jaden rajtaŕ byś,
pósćelu śi jaden list.

6. Cu śi pisaś, ty dejš wěriś,
až ja jaden wójak som.«