1. ’Šykne pany z wójny jjedu, :,:
Hej z wójny jjedu.

2. Našeg’ pana kónja ẃedu, :,:
Hej kónja ẃedu.

3. Źoga našeg’ pana maśo, :,:
Hej pana maśo?

4. Až wy jogo kónja maśo, :,:
Hej kónja maśo.

5. Waš pan lažy za Dónawu, :,:
Hej za Dónawu.

6. Styri mile za Mórawu, :,:
Hej za Mórawu.

7. Głowka lažy na kamušku, :,:
Hej na kamušku.

8. Na tej głowce bjeła ruka, :,:
Hej bjeła ruka.

9. Na tej ruce złoty ṕeršćeń, :,:
Hej złoty ṕeršćeń.

10. Ma ten ṕeršćeń modre hoko, :,:
Hej modre hoko.

11. Pśez to hoko wóda bježy, :,:
Hej wóda bježy.

12. Na tej wóźe tšawa rosćo, :,:
Hej tšawa rosćo,

13. Po tej tšaẃe pawa choźi, :,:
Hej pawa choźi.

14. Pawa choźi, ṕeŕe gubi, :,:
Hej ṕeŕe gubi.

15. Chtó to ṕeŕe górej b́erjo, :,:
Hej górej b́erjo?

16. Górej b́erjo rjedne źówčo,
Hej rjedne źówčo.

17. Wjence wijo, šanty šyjo, :,:
Hej šanty šyjo.

18. Wjence gólcam rozdawała, :,:
Hej rozdawała.

19. Gólcy z ńeju rejowali, :,:
Hej rejowali.

20. Z reje domoj pśewoźili, :,:
Hej pśewoźili.

21. Na stółašk ju pósaźili, :,:
Hej pósaźili.

22. Pótom sami domoj gnali, :,:
Hej domoj gnali.

23. Do póstole se lagnuli, :,:
Hej se lagnuli.