1. Žeńska, ta źo na piwo,
aj juchhaj!
»Cłowjek, ty dejš doma byś.«
Taladridy raladridy raladridom.

2. »Cłowjek, ty dejš doma pśěsć,
aj juchhaj!
Teke šklě a talarje myś.«
Taladridy raladridy raladridom.

3. Žeńska pśiźo z piwa domoj,
aj juchhaj!
»Cłowjek, wjele ty sy napśědł?«
Taladridy raladridy raladridom.

4. »Tśi raz som ja zawartnuł,
aj juchhaj!
Ja som šklě a talarje mył.«
Taladridy raladridy raladridom.

5. Žeńska weze pśěslicu,
aj juchhaj!
Deri cłowjekoju pśez kśicu.
Taladridy raladridy raladridom.

6. Cłowjek skócy z woknom wen,
aj juchhaj!
Susedoju do dwóru.
Taladridy raladridy raladridom.

7. »Mě jo źinsa mója biła!«
Aj juchhaj!
»Mě jo teke mója biła!«
Taladridy raladridy raladridom.

8. »Pśec sćo take šelmy byli,
aj juchhaj,
a sćo sebje take brali.«
Taladridy faladridy raladridom.

9. »Buźćo drugi raz mudrjejše.
Aj juchhaj!
Bjeŕśo sebje swójog’ rownja.«
Taladridy faladridy raladridom.