1. Za Serskeju gólku
Jadno wjazorasko.
Coga wjazorasku?
Grózna palowaka.

2. Ta pak kśješo na raz
Ceło mjesto póžreś.
Kježor ten tek źašo:
›Ja mam jadnu knježnu.‹

3. ›Gaž na nju rjed pśijźo,
›Ga dam ja ju teke.‹
Rjed hokoło ’źješo,
Na jog’ knježnu pśijźo.

4. Knježna ze jśpy ’źješo,
Dobru noc dawašo:
»Dobru noc njet mjejśo
»Wy mój nan, mój stary!«

5. »Pšošćo za mnje boga,
»Ja ’cu teke za was,
»Aby zasej pśijšła,
»Strowe se rozgronili.«

6. Knježna z dwóru ’źješo,
Dobru noc dawašo:
[»]Dobru noc njet mjejśo
»’Šykna dobra celaź!«

7. »Pšošćo za mnje boga,
»Ja ’cu teke za was,
»Aby zasej pśijšła,
»Strowe se rozgronili.«

8. Kježorowa knježna
K wjazoroju ’źješo,
Grózna palowaka
Ku brjogoju plješo.

9. »O ty swjety Juriš,
»Stój mje na pomoce! – «
›O ty luba knježna,
›Wjeriš ty we boga?‹

10. »Kaga ja we boga
»Wjeriś ńedejała?
»Wón jo za nas humŕeł,
»Kśej jo za nas pśelał.«

11. ›O ty luba knježna,
›Wotpasaj se swój pas,
›’Comej jen zaźernuś,
›Za to kłusto šyjsko.‹

12. Za to kłusto šyjsko,
Za kłusto gjarlisko.
Bjertlowali su ju,
Do wóza ju kładli.

13. Styržasća pór kóń su
Wóni zapśjegnuli,
Hyšćer palowaku
Ńejsu z mjesta gnuli.

14. Tśižasća pór kóń su
Wóni pśipśjegnuli,
Pótom palowaku
Ljebda z mjesta gnuli.

15. Wjadli su ju wjadli
Pśez Barlinske mósty;
’Še Barlinske mósty
Tšachy se gibachu.

16. ’Še Barlinske luźe
Tšachy huḿerachu,
’Še Barlinske źjeśi
Do mórja skokachu.

17. Ńebojśo se luźe!
Wóna ńeje žywa,
Wóna ńejo žywa,
Ale bjertlowana.