Serbske ludowe spěwy

Pśed tym sudnym dnjom

W originalnej zběrce njejsu noty k tekstej podate.

1. Pśed tym sudnym dnjom
jo tak njewjasoło.

2. Du se zymne dešće,
duju zymne wětšy.

* * *

3. Pósłał jo pak Noas
dołoj do tog’ swěta
dweju wronaškowu.

4. Lětałej stej, lětałej,
styrźasća tam dnjow
a styrźasća nocow.

5. Leśełej stej, leśełej,
naspjet k Noasoju.

6. »Noas, luby Noas,
wšykne su se luźe
z wódu pótopili.«

7. Pósłał jo pak Noas
dołoj do tog’ swěta
dweju gołubjaškowu.

8. Lětałej stej, lětałej,
styrźasća tam dnjow
a styrźasća nocow.

9. Leśełej stej, leśełej,
naspjet k Noasoju.

10. »Noas, luby Noas,
wóz tšubału wětšu.

11. Tšub tych luźi górjej,
žywych a wumarłych.«

* * *

12. Rědna duša, stawaj,
źi ku swójom’ śěłu.

13. Wót swójogo śěła
do Bóžego raja.

14. We tom Bóžem raju
jo tak wjaselenje.

15. Tam te duše graju,
janźele spiwaju.

16. We tej pak mě heli
jo tak njewjasoło.

17. Tam złe duchy wuju,
wóni tak tam ryju.