1. Maruška pjesačku ’raješe,
Z čerẃenym jabłóčkom kuleše. :,:

2. Nimo tam jjedžichu fórmani,
Z cuzeje zemje mi fórmani. :,:

3. Marušku sobu tam wabjachu,
Čerẃene jabłóčko skičachu. :,:

4. Maruška ’łupa a ńerozomna,
Pšeco so formanam wobryčeć da. :,:

5. Mały kusk daĺe tam pšindžechu
Do Deĺnej’ Hórki korčmičcy. :,:

6. Poredž nam, korčmaŕka, karan piwa,
Karan nam piwa a karan wina. :,:

7. Korčmaŕka karany naliwaše,
Sama jim horje tejž nošeše. :,:

8. ›Nimaš ty, korčmaŕka, žanej džówki,
›Zo dyrbiš sama nam horjenosyć?‹ :,:

9. ›’Cemy ći Marušku pšedaći,
›Na piwi, na wini pšepići.‹ :,:

10. Dyž bje so minyło sydom ljet,
Da je tam pšijjeł jedyn rajtaŕ. :,:

11. Korčmaŕka karanki naliwaše,
Maruška pak horje nošeše. :,:

12. Rajtaŕ tón korčmaŕcy praješe:
»Korčmaŕka, moja mi korčmaŕka,
»Džens driš mi z Marušku nocku dać spać!«

13. Korčmaŕka łóžko tam sćeleše,
Maruška swječku jej swjećeše. :,:

14. Pšeco tak jara tam płakaše,
Hač so jej swječka pšec’ hasowaše. :,:

15. Dyž bje so minyło wo pół nócki,
Poča so rajtarik prašeći: :,:

16. »Čeja ty Maruška tola sy,
»Zo mi ty zomnu ńechaš spać?« :,:

17. »Maruška, sy da ty domjaca,
»Aby sy Maruška, słužomna?« :,:

18. »Je da tón korčmaŕ twój prawy nan,
»Je da ta korčmaŕka twoj’ prawa mać?« :,:

19. »›Korčmaŕ nic ńeje mój prawy nan,
»›Korčmaŕka ńeje moj’ prawa mać.‹« :,:

20. »Čeja da Maruška tola ty sy?«
»›Z cuzeje zemje Kajnfaĺerec džówka.‹« :,:

21. »Maruška sy ty Kajnfaĺerec džówka,
»Da sy ty moja najmłodsa sotra.« :,:

22. »Sydom sym ljetkow ja wokoł jjezdžił,
»Sydom sym konjow ja zajjezdžił,
»Njetk sym pak tu’lej će namakał.«

23. »Kajki džak budžemoj korčmaŕcy dać?
»’Cemoj mój njetklej jej łojčku [orig.: łojcku] ćeć?« :,:

24. »›Z ljepšim haj ljepšim ty bratsiko mój!
»›Derje je wona ḿe skubłała.‹« :,:

25. »›Fórmanam je ḿe džje wukupiła,
»›Wšitko je dobre ḿe wučiła.‹« :,:

26. »›To nic ńej’ z peńezami zapłaćenju,
»›Z bjełymaj ručkomaj džakowanju.‹« :,:

27. »Wočiń mi, maćeŕka, nowy dwór!
»Ja sej tu ẃezu moj’ ńeẃestu.« :,:

28. »»Wo’ladaj so na twoj’ ńeẃestu,
»»Dyž tebi wjacy ja hódž ńejsym.««

29. »To’lej šak ńeje nic ńeẃesta,
»To džje je moja młodsa sotsička.« :,:

30. Stara mać nowy dwór wočineše,
Z Ručkomaj Marušku witaše. :,: