Serbske ludowe spiwy

Kutšak pśěgaj kónjowu

W originalnej zběrce njejsu noty k tekstoju pódane.

1. »Kutšak pśěgaj kónjowu,
wobeju teju bruneju!«

2. Mały kusk stej wujěłej.
»Kutšak wustań, póglědaj!

3. Kutšak wustań, póglědaj,
co to hyn se zeleni.

4. Jo to jadna wólšyna,
abo lubki nowy grod?«

5. »To njej’ žedna wólšyna,
to jo lubki nowy grod.«

6. Mały kusk stej wujěłej.
»Kutšak wustań, pósłuchaj!

7. Kutšak wustań, pósłuchaj,
co to hyn se zogoli.

8. Jo gólnych ptaškow spiwanje
abo lubki płakanje?«

9. Mały kusk stej wujěłej,
pótom stej tam pśijěłej.

10. Pśiźo k nima stara maś:
»Witajtej, gólca, wobej dwa!

11. Co stej noweg’ pśiwjadłej?«
»Comej wašu Anku měś.«

12. »Wóna jo nam schórjeła,
pótom jo nam wumrěła.

13. Rědnu ju tam gótuju,
běłu ju tam woblaku.«

14. Luby źěšo do komory,
Anka ta stej na bórje.

15. We złośanem kašćiku,
we ruśanem wěnašku.

16. Luby wjelgin płakašo,
běłej ruce łamašo.

17. »Nět ja zawdam dobru noc,
wěcej ja k wam njepójdu.«

18. »Njezawdawaj dobru noc,
mamy hyšći dwě drugej.«

19. »Co stej mě tej dwě drugej,
gaž ta mója Anka njej’.«