Serbske ludowe spěwy

Tam we tym dole hłubokim

1. Tam we tym doli ’łóbokim
Steji lipa rjana, zelena. :,:

2. Sydałoj tam dwaj młodej nadobnaj,
Taj staj sej slubiłoj swojej być
Swojej mi lubej mandžeĺskej.

3. ›Moja lubka, mój dyrbimój njetk rózno hić,
›Ja ’šće mam sydom ljet wandrować.‹ :,:

4. »Maš ty ’šće sydom ljet wandrować,
»Da ’cu ći swjerna wostaći.« :,:

5. Dyž bje so minyło sydom ljet,
A hišće štyri nedželki, :,:

6. Šła holička do za’rodki,
Synyła so pod róžowy keŕk. :,:

7. Tam wona sedžo płakaše.
Na swojoh’ luboh’ čakaše. :,:

8. Nimo tam rajtował rajtarik,
Tón so jeje tak’lej wopraša:

9. ›Pšečo ty płačes holečo?
›Je tebi wumreł nan aby mać?
›Aby maš muža lózeho?‹ :,:

10. »Mi nic nej’ wumreł nan aby mać
»Muža ja nimam žaneho.« :,:

11. »Mi je mój luby wandrował
»A je mi slubił zaso pšinć.« :,:

12. ›Ja sym tam ’čera rajtował,
›Džejž z druhej wón kwas mjeješe.‹ :,:

13. ›’Cešli jom’ nješto prajić dać,
›Ja ’cu jom’ swjeru sobu ’zać.‹ :,:

14. »Wele jom’ zboža winčuju,
»Wšitko jom’ dobre popšeju.« :,:

15. »A hišće rjanu dobru nóc,
»Zo na mne wón je zabyć móhł.« :,:

16. Sćahnył je rajtaŕ peršćenik,
Ćisnył jón holčcy do klina. :,:

17. Holčo tak jara płakaše,
Hač peršćeń sylzach plówaše. :,:

18. Wućahnył rubiško židžane,
Ćisnył je holčcy do klina. :,:

19. ›Jow maš moja holčka rubiško,
›Trjej twoje sylzy z rubiškom
›A nepłakaj tak jara ’jac.‹

20. ›Z tym sym će ja tak spytował,
›Hač sy mi swjerna wostała.‹ :,:

21. ›Dokelž mi swjerna wostała,
›Da dyrbiš tejž njetk moja być,
›Moja mi luba mandžeĺska.‹