Ha šła je holčka trawu žnjeć
![](/zxx/0049/0049-300px.png)
1. Šła je holčka trawu žnjeć
na łučku zelenu,
faladritom talala,
||: na łučku zelenu. :||
2. Přirajtował je rajtar k njej
na konju šumjelu,
faladritom talala,
||: na konju šumjelu. :||
3. Zwjazał je swojoh konika
pod lipu zelenu,
faladritom talala,
||: pod lipu zelenu. :||
4. Přestrěł je swój mantl
na łučku zelenu,
faladritom talala,
||: na łučku zelenu. :||
5. »Pój, sydń so ke mni dele,
ty rjane holičo,
faladritom talala,
||: ty rjane holičo!« :||
6. »Dele so ja ći njesydnu,
teje trawy mało mam,
faladritom talala,
||: teje trawy mało mam.« :||
7. »Ja chcu ći dobru radu dać,
chceš-li mje posłuchać,
faladritom talala,
||: chceš-li mje posłuchać. :||
8. Zawal sej ty twój porsćik
do róžka šórcuška,
faladritom talala,
||: do róžka šórcuška. :||
9. A rjekń ty twojej maćeri,
zo sy so zrězała,
faladritom talala,
||: zo sy so zrězała.« :||
10. »Mojej maćeri ja njesměm łhać,
jej dyrbju prawdu znać,
faladritom talala,
||: jej dyrbju prawdu znać. :||
11. Och maći, luba maći!
Tón rajtar chce mje měć,
faladritom talala,
||: Tón rajtar chce mje měć.« :||
12. »Och dźowka, luba dźowka!
Tych pjenjez mało maš,
faladritom talala,
||: tych pjenjez mało maš! :||
13. Twój nan je wšitko přěhrał,
na kartach přeplacał,
faladritom talala,
||: na kartach přeplacał.« :||
14. »To njeje był mój stary nan,
to bě mój młódši bratr,
faladritom talala,
||: to bě mój młódši bratr. :||
15. Tón je dźě wšitko přěhrał,
na kóstkach přemjetał,
faladritom talala,
||: na kóstkach přemjetał. :||
16. Haj ja by radšo chcyła,
zo bych ja hólc była,
faladritom talala,
||: zo bych ja hólc była! :||
17. Chcyła so wučić rejwać
po čěskim, Budyskim,
faladritom talala,
||: po čěskim, Budyskim. :||
18. Dała sej zešić cholowy,
te cholowy zelene,
faladritom talala,
||: te cholowy zelene. :||
19. Jednu tu cholowu zelenu,
tu druhu čerwjenu,
faladritom talala,
||: tu druhu čerwjenu. :||
20. Dała sej přišić wobrubčk,
tón wobrubčk złoćany,
faladritom talala,
||: tón wobrubčk złoćany. :||
21. Po jednej cholowje horje,
po druhej dele,
faladritom talala,
||: po druhej dele.« :||