1. Słužił je hólčik w Pančicy,
rjeniša holička w Kukowi.

2. Swěru so lubo měještaj,
słowčko pak hromadźe njerěčeštaj.

3. Štož jenož pójestwa sćeleštaj,
přez teho drobneho sołobika.

4. Přeco je lětał z wjesełymi,
jedyn mól přilećał ze zrudnymi.

5. Přinjesł je holičcy pójestwa,
zo jeje luby jej nahle schorjeł.

6. Zo jeje luby jej nahle schorjeł,
nahle haj schorjeł a nahle wumrěł.

7. Zo dyrbi žarować lětko a dźeń,
w zelenym wěnašku kemši chodźić.

8. »Radsi chcu płakaći sydom lět,
hač w zelenym wěnašku kemši chodźić.«

9. Płakała holička lětko a dźeń,
swojeho lubeho njezabyła.

10. Přišoł je, přišoł je z njebjes hłós,
zo dyrbi płačka so wostajić.

11. Njecha so płačka wostajić,
budźe ju Bóh tón knjez štrafować.

12. Bóh tón knjez holičku štrafował,
zo bó ta holička jedyn štom.

13. Dopołnja bě běła, čerwjena,
popołnju ničo hač zeleny kerk.